Breaking News

ಬಹುಪಯೋಗಿ ನಿಂಬು

Written by 
Published: 01 June 2017
322 times Last modified on Thursday, 01 June 2017 06:07

ಕೆ.ಎನ್.ಪಿ.ವಾರ್ತೆ, ಸೌಂದರ್ಯ;

ಸೌಂದರ್ಯ ಎನ್ನುವುದು ದೇವರು ನೀಡಿರುವ ವರ ಎಂದರೆ ತಪ್ಪಾಗಲಾರದು. ಆ ಸೌಂದರ್ಯವನ್ನು ಕಾಪಾಡಲು ತುಂಬಾ ಶ್ರಮ ಬೇಕಾಗುತ್ತದೆ. ಯಾಕೆಂದರೆ ಇಂದಿನ ಕಲುಷಿತ ವಾತಾವರಣದಲ್ಲಿ ಸೌಂದರ್ಯವನ್ನು ಉಳಿಸಿಕೊಳ್ಳುವುದು ಸವಾಲಿನ ಕೆಲಸವಾಗಿದೆ.

ವಾತಾವರಣ ಕಲುಷಿತಗೊಂಡಷ್ಟು ಮಾರುಕಟ್ಟೆಗೆ ವಿವಿಧ ರೀತಿಯ ಸೌಂದರ್ಯವರ್ಧಕ ಉತ್ಪನ್ನಗಳು ದಾಪುಗಾಲಿಡುತ್ತದೆ. ಇದರಿಂದ ಸೌಂದರ್ಯವು ಕೆಲವು ದಿನಗಳ ಕಾಲ ಹೊಳಪನ್ನು ಪಡೆಯಬಹುದೇ ಹೊರತು ಶಾಶ್ವತವಾಗಿ ಇದಕ್ಕೆ ಯಾವುದೇ ಪರಿಹಾರವಿಲ್ಲ. ಆದರೆ ಕೆಲವೊಂದು ನೈಸರ್ಗಿಕ ಸಾಧನಗಳಿಂದ ಸೌಂದರ್ಯವನ್ನು ವರ್ಧಿಸಿಕೊಂಡು ಅದನ್ನು ಕಾಪಾಡಿಕೊಳ್ಳಬಹುದು.

ಕಪ್ಪಗಿನ ಕುತ್ತಿಗೆಯ ಸಮಸ್ಯೆಗೆ ಇಲ್ಲಿದೆ ಪವರ್‌ಫುಲ್ ಮನೆಮದ್ದು ಹಲವಾರು ಆರೋಗ್ಯ ಗುಣಗಳನ್ನು ಹೊಂದಿರುವಂತಹ ನಿಂಬೆಹಣ್ಣಿನಿಂದ ತ್ವಚೆ ಹಾಗೂ ಕೂದಲಿನ ಸೌಂದರ್ಯವನ್ನು ಕಾಪಾಡಿಕೊಳ್ಳುವುದು ಹೇಗೆ ಎಂದು ಕೆ.ಎನ್.ಪಿ. ನಿಮಗೆ ಹೇಳಿಕೊಡಲಿದೆ. ನೀವು ನಿಂಬೆಹಣ್ಣನ್ನು ಬಳಸಿಕೊಂಡು ಯಾವ ರೀತಿ ಸೌಂದರ್ಯ ಕಾಪಾಡಿಕೊಳ್ಳಬಹುದು ಎಂದು ತಿಳಿಯಲು ಮುಂದೆ ಓದಿ.

ತ್ವಚೆಗೆ ಬ್ಲೀಚಿಂಗ್  :

ಲಿಂಬೆಯು ಚರ್ಮದ ಬಣ್ಣವನ್ನು ಬಿಳಿ ಮಾಡುವಲ್ಲಿ ನೈಸರ್ಗಿಕ ಬ್ಲೀಚಿಂಗ್ ಆಗಿ ಕೆಲಸ ಮಾಡುತ್ತದೆ. ಲಿಂಬೆರಸ ಮತ್ತು ಜೇನುತುಪ್ಪವನ್ನು ಬೆರೆಸಿಕೊಂಡು ಫೇಸ್ ಪ್ಯಾಕ್ ಮಾಡಿಕೊಳ್ಳಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡು ಐದು ನಿಮಿಷ ಕಾಲ ಹಾಗೆ ಬಿಡಿ. ಬಿಸಿ ನೀರಿನಿಂದ ಮುಖವನ್ನು ತೊಳೆದರೆ ಕಲೆಗಳು ಮಾಯವಾಗುವುದು.

ತಲೆಹೊಟ್ಟು ನಿವಾರಣೆ :

ಲಿಂಬೆರಸವು ತಲೆಹೊಟ್ಟನ್ನು ನಿವಾರಣೆ ಮಾಡುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ತಲೆಬುರುಡೆಗೆ ಲಿಂಬೆರಸವನ್ನು ಹಾಕಿಕೊಳ್ಳಿ. ಇದರ ಬಳಿಕ ತಲೆಗೆ ತೈಲ ಹಾಕಿಕೊಳ್ಳಿ. ಯಾಕೆಂದರೆ ಲಿಂಬೆಯಿಂದ ತಲೆಬುರುಡೆ ಒಣಗುವುದು. ತಲೆಹೊಟ್ಟು ನಿವಾರಣೆಯಾಗ ಬೇಕಾದರೆ ಹಗುರವಾದ ಶಾಂಪೂ ಬಳಸಿಕೊಳ್ಳಿ.

ಮೊಣಕೈ ಮತ್ತು ಮೊಣಕಾಲನ್ನು ಬಿಳಿಯಾಗಿಸುವುದು :

ಕೆಲವೊಂದು ಸಲ ಮೊಣಕೈ ಮತ್ತು ಮೊಣಕಾಲಿನ ಭಾಗವು ತುಂಬಾ ಕಪ್ಪಗೆ ಇರುವಂತೆ ಕಾಣಿಸುತ್ತದೆ. ಇದನ್ನು ಬಿಳಿಯಾಗಿಸುವ ಉಪಾಯವೆಂದರೆ ಒಂದು ಲಿಂಬೆ ತುಂಡಿಗೆ ಸ್ವಲ್ಪ ಉಪ್ಪು ಹಾಕಿಕೊಂಡು ಸರಿಯಾಗಿ ಉಜ್ಜಿಕೊಳ್ಳಿ. ಹತ್ತು ದಿನಗಳಲ್ಲಿ ಮೊಣಕೈ ಮತ್ತು ಮೊಣಕಾಲು ಬಿಳಿಯಾಗುವುದು.

ಚರ್ಮದ ಅಲರ್ಜಿ ನಿವಾರಣೆ :

ಲಿಂಬೆರಸದಲ್ಲಿ ಇರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಮತ್ತು ವಿಟಮಿನ್ ಸಿ ಕೆಲವೊಂದು ಸಣ್ಣಪುಟ್ಟ ಚರ್ಮದ ಅಲರ್ಜಿಗಳನ್ನು ನಿವಾರಣೆ ಮಾಡುವುದು.

ನುಣುಪಾದ ಕೂದಲಿಗೆ :

ಕೂದಲಿಗೆ ಕಂಡೀಷನರ್ ಬಳಸುವವರು ಲಿಂಬೆರಸವನ್ನು ಬಳಸಬಹುದು. ಯಾಕೆಂದರೆ ಇದು ನೈಸರ್ಗಿಕ ಕಂಡೀಷನರ್ ಆಗಿ ಕೆಲಸ ಮಾಡುತ್ತದೆ. ಕೂದಲು ತೊಳೆಯಲು ಶಿಖೆಕಾಯಿ ಬಳಸುತ್ತಾ ಇದ್ದರೆ ಕೂದಲಿಗೆ ಕೃತಕ ಕಂಡೀಷನರ್ ನ್ನು ಬಳಸಬೇಡಿ. ಕೂದಲನ್ನು ನುಣುಪು ಮಾಡಲು ಲಿಂಬೆರಸ ಬಳಸಿ.

ಚರ್ಮದ ರಂಧ್ರಗಳನ್ನು ಸ್ವಚ್ಛಗೊಳಿಸುವುದು :

ಲಿಂಬೆರಸವು ಚರ್ಮದ ರಂಧ್ರಗಳನ್ನು ಸ್ವಚ್ಛಗೊಳಿಸುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಲಿಂಬೆಗೆ ಸ್ವಲ್ಪ ಉಪ್ಪು ಹಾಕಿಕೊಂಡು ಅದನ್ನು ಮುಖಕ್ಕೆ ಉಜ್ಜಿಕೊಳ್ಳಿ. ಚರ್ಮದ ರಂಧ್ರದಲ್ಲಿನ ಎಲ್ಲಾ ಕೊಳೆ ಹೊರಬರುವುದು.

ಮೊಡವೆ ನಿವಾರಣೆ :

ಮೊಡವೆಗಳ ನಿವಾರಣೆಯಲ್ಲಿ ನಿಂಬೆಯು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಇದರಲ್ಲಿರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಚರ್ಮವನ್ನು ಸ್ವಚ್ಛಗೊಳಿಸಿ ಚರ್ಮದ ರಂಧ್ರಗಳಲ್ಲಿ ಇರುವಂತಹ ಎಣ್ಣೆಯನ್ನು ಹೊರತೆಗೆಯುವುದು. ಲಿಂಬೆಯಲ್ಲಿರುವ ಈ ಗುಣಗಳು ಮೊಡವೆಯನ್ನು ಪರಿಣಾಮಕಾರಿಯಾಗಿ ತೆಗೆದುಹಾಕುವುದು.

ಕೂದಲಿನ ಸುವಾಸನೆಗೆ :

ತಾಜಾವಾಗಿರುವ ಲಿಂಬೆಯು ಒಳ್ಳೆಯ ಸುವಾಸನೆಯನ್ನು ಹೊಂದಿರುವುದು. ಕೂದಲನ್ನು ಲಿಂಬೆಯ ರಸದಿಂದ ತೊಳೆದಾಗ ಕೂದಲು ಗಂಟೆಗಳ ಕಾಲ ಸುವಾಸನೆಯನ್ನು ಹೊಂದಿರುತ್ತದೆ. ಇದು ಕೂದಲಿಗೆ ನೈಸರ್ಗಿಕ ಪರ್ಫ್ಯೂಮ್ ಆಗಿ ಕೆಲಸ ಮಾಡುವುದು.

ಬಿಳಿ ಉಗುರುಗಳಿಗೆ ಲಿಂಬೆ :

ಲಿಂಬೆರಸದಲ್ಲಿ ಇರುವಂತಹ ಬ್ಲೀಚಿಂಗ್ ಗುಣವು ಉಗುರುಗಳಿಗೂ ನೆರವಾಗುವುದು. ಪ್ರತಿಯೊಬ್ಬರಿಗೂ ಸ್ವಚ್ಛ ಹಾಗೂ ಬಿಳಿ ಉಗುರುಗಳು ಬೇಕಾಗಿದೆ. ಉಗುರುಗಳನ್ನು ಲಿಂಬೆ ಮತ್ತು ಸಾಸಿವೆ ಎಣ್ಣೆಯಿಂದ ಉಜ್ಜಿಕೊಂಡರೆ ಬಿಳಿ ಹಾಗೂ ಸ್ವಚ್ಛ ಉಗುರು ನಿಮ್ಮದಾಗುವುದು.


Media

Leave a comment

Make sure you enter all the required information, indicated by an asterisk (*). HTML code is not allowed.

Search For News

Cartoon Post

NewsLetter

Visitors Counter

4250580
Today
Yesterday
This Week
Last Week
This Month
Last Month
All days
9987
16742
76308
4062809
281675
395132
4250580
Your IP: 54.234.190.237
2018-01-18 16:03